My people how una dey?
Naija Harmonauts una dey so?!
Una sabi say we don do first meet up for Benin wey we meet other NaijaHarmonauts wey dey around that region.
Una see the pictures and video na…see as e go abi?
You fit view am (here), (here) and (video for here) incase you miss the gist
The ghen ghen gist now be say we dey carry the 2nd meet up come Lagos!
We go like bring the Harmony Gospel reach Lagos make people sabi all wetin Harmony Protocol dey about.
The HarmonyNaijaDAO 2nd Meet up na for Unilag Campus e go happen.
Date na 2nd of April, 2022.
Turn up time na 11am!
If your friend na blockchain enthusiast, you suppose carry am join body as you dey come that day o…come network with fellow NaijaHarmonauts wey dey speak the same blockchain language wey you dey speak.
Tori go fall out for our Telegram, so put eye for there o make this beta no pass you